Buǵan qosa IOS, Android úshin oıyn formatynda 5 mobıldi qosymsha jasaldy. Ekeýi eresekter, úsheýi balalarǵa laıyqtalǵan bul oıyndar birneshe satydan turady. Sóz tabý, dıktant jazý, áripterden sóz qurastyrý sekildi tapsyr-malar berilgen jáne oıynshy bulardyń barlyǵyn belgili ýaqyt aralyǵynda oryndap, kelesi kezeńge ótýi kerek. Qosymshalardyń maqsaty – qoldanýshylarǵa jańa álipbıdi úıretý, saýatty jazý daǵdysyn qalyptastyrý.

Qazaq álipbıin latyn grafıkasyna kóshirý baǵytyndaǵy jumystardyń biri kórneki aqparat ónimderiniń (bılbord, laıtboks, banerler jáne t.b.) úzdik eskızderin daıyndaý sharasy. QR oblys ortalyqtary men Almaty, Astana qalalaryn-da (kóshe, temirjol beketinde, aıaldamalarda t.b.) latyn álipbıin halyq arasynda túrli-tústi banerlik matalarda, jaryq (laıtbokstar) júgirtpe joldar arqyly keńinen nasıhattaý jáne qoldanys aıasyn keńeıtý maqsatynda uıymdastyryldy. Nátıjesinde latyn álipbıinde jazylǵan kórneki aqparat ónimderiniń eskızderi ázirlenip, oblys ortalyqtary men qalalaryna olardyń elektrondy nusqasy taratylady. Bul óz kezeginde jurtshylyqtyń jańa qazaq álipbıin jedel, saýatty meńgerýine, sondaı-aq ulttyq jańa jazýymyzdy na-sıhattaý arqyly halyq arasyn-da jaǵymdy pikir, oń kózqaras qalyptastyrýǵa yqpal etedi.

Usynylǵan eskız mazmunynyń taqyrybyna, jobanyń jarnamalyq normalarǵa sáı-kestigi, jarnamalyq mátinniń ózektiligi, qarapaıymdylyǵy jáne túsiniktiligi, ıdeıanyń túpnusqalylyǵy jáne jumy-synyń durys oryndalýy, baıqaý jobasynyń tehnıkalyq sapasy, úgit-nasıhattyq áleýeti sıaqty ólshemder boıynsha saraptaldy.

Bettegi materıaldardy daıyndaǵandar:

Saıajan Tilemisov, Nurjan Seısenbekov, Janar Baıdildına