Portal latyn grafıkasyn úırenýge arnalǵan qosymshalardy júkteý joldaryn da kórsetedi. Qazaq tili álipbıin kırılısadan latyn grafıkasyna kóshirýde qazaq tilindegi mátinderdi kırılısadan latyn grafıkasyna sáıkestendirýdi avtomattandyrý qajettiligi mańyzdy .

Qazaq tilindegi mátinder men mátini bar faıldardy kırılısadan latyn grafıkasyna tez, ońaı jáne durys sáıkestendiretin Qazlatyn konverteri jańa tehnologıa tilinde qyzmet kórsetedi. Ol kırılısadan latyn grafıkasyna ǵana emes, kerisinshe de sáıkestendiredi, sondaı-aq latyn grafıkasynan arab grafıkasyna (Tóte) jáne arab grafıkasynan (Tóte) latyn grafıkasyna konvertasıalaıdy.

Qazlatyn konverteriniń negizinde 2018-jylǵy 6-jeltoqsanda Ulttyq komısıa maquldaǵan Jańa álipbı negizindegi qazaq tili emlesiniń erejeleri jatyr. Konverterde qazaq tiliniń latyn álipbıindegi sóz erekshelikteri men shetel sózderin durys jazý bazasy bar.

Eger birneshe bette qazaq tilindegi mátini bar Word nemese Excel faıldardy konvertasıalaý qajet bolsa ne isteý kerek?

Baǵdarlama Microsoft Word qujattardy, Excel

kestelerdi, PowerPoint prezentasıalardy, HTML faıl-dardy, mátindik faıldardy, PDF (mátindik) faıldardy sanaýly sekýnd ishinde sáıkestendiredi. Ol úshin faıldy júkteý nemese tasymaldaý jetkilikti. Kiristirilgen fýnksıonal qurylymyn ózgertpeı, faıldardy sáıkestendirip kórsetilgen jerge saqtaıdy.

Eger sizde ınternet shekteýli bolsa, qarapaıym ornatý jáne ıntýıtıvti túsinikti ınterfeısi bar Konverterdiń offline nusqasyn paıdalana alasyz.

Micrisoft Office-ke (Word, Excel, Power Point) arnalǵan qosymsha – qujat ishinde sózder men mátinderdi kırılısadan latyn grafıkasyna sáıkestendirýge múmkindik beredi. Joǵaryda aıtylǵandardyń barlyǵy qaz-latyn.kz saıtynda qol jetimdi. Qazlatyn konverteriniń erekshelikteri konverterdi paıdalaný ońaı, latyn jazýynyń emle erejeleri negizinde jyldam sáıkestendirý, Word (.doc, .docx, .rtf), Excel (.xls, .xlsx), PowerPoint (.ppt, .pptx), Bloknot (.txt), HTML (.html), mátindik PDF (.pdf) faıldaryn jyldam sáıkestendiredi. Micrisoft Office-ke (Word, Excel, Power Point) arnalǵan qosymsha, Windows júıesine arnalǵan offline konverter, iOS jáne Android platformalaryna arnalǵan Konverterdiń mobıldi qosymshalary da bar. Java, JavaScript, PHP, C#, Swift, Pascal baǵdarlamalaý tilderinde ashyq bastapqy kodtar men konverterdi qoldanady.Tanymal CMS-ter úshin (WordPress, Joomla, 1S-Bıtrıks, Drupal) konverterdiń plagınderi men kitaphanasy Chrome braýzerine arnalǵan Konverter plagıni bar. Emle, qujat, sózdikqor sıaqty tilge qatysty tanymdyq saıttardyń ortalyqtandyrylǵan izdeý júıesi de Qazlatyn.kz – ulttyq portalynyń basty betinde ornalasqan.