​«Memlekettik til – táýelsizdik sımvoly» baıqaýy ótedi

5.8.2020 Master slide 844

1. Baıqaýdyń maqsaty

1.1. «Memlekettik til – táýelsizdik sımvoly» respýblıkalyq baıqaýyn (budan ári – Baıqaý) ótkizý maqsaty: memlekettik tildiń qoldanys aıasyn keńeıtý, qazaq tiliniń etnosaralyq qarym-qatynas tili retindegi qyzmetin nyǵaıtý, memlekettik tildi meńgergen qoǵamdyq belsendi ózge ult jastaryn yntalandyrý.

2. Baıqaýdy uıymdastyrý tártibi

2.1. Baıqaýdyń uıymdastyrýshysy Qazaqstan Respýblıkasy Mádenıet jáne sport mınıstrliginiń Til saıasaty komıteti bolyp tabylady.

2.2. Baıqaýdy ótkizý týraly habarlandyrý resmı ınternet-resýrstarda jáne áleýmettik jelilerde jarıalanady.

3. Baıqaýǵa qatysý tártibi

3.1. Baıqaýǵa elimizdiń 17 óńirinde irikteýden ótken, memlekettik tildi jetik meńgergen 21-35 jas aralyǵyndaǵy etnos jastary qatysa alady.

3.2. Baıqaýǵa qatysý úshin úmitker aldyn ala 3 mınýttyq qysqa metrajdy fılm usynýy tıis. Fılmde:

- úmitkermen qazaq tilinde qysqasha suqbat;

- oqý orny nemese jumys orny týraly aqparat;

- qoǵamdyq jumysynan qysqasha kórinis;

- memlekettik tildi damytýǵa qosqan úlesi;

- mádenıet, sport jáne t.b. salada jetken jetistikteri kórsetilýi qajet.

3.3. Baıqaý 2 kezeńnen turady.

Birinshi kezeńde qazylar alqasy baıqaýǵa qatysýshylardan túsken beınematerıaldardy baǵalaıdy.

Ekinshi kezeń 2020 jylǵy 14 qarashada onlaın rejımde ótkiziledi. Qatysýshylar uıashyq tańdap, berilgen taqyrypta oı tolǵaıdy (3 mınýt).

3.4. Baıqaý jeńimpazdary arnaıy dıplomdarmen jáne aqshalaı syılyqtarmen marapattalady.

4. Qorytyndy erejeler

4.1. Baıqaýǵa qatysýshylardyń jumysyn baǵalaý jáne jeńimpazdardy anyqtaý úshin til men ádebıet salalarynyń bilikti mamandary, ǵalymdar, zıaly qaýym ókilderinen (bes adam) turatyn qazylar alqasy qurylady.

4.2. Baıqaýǵa qatysý týraly ótinim 2020 jyldyń 30 qyrkúıegine deıin qabyldanady (qosymshaǵa sáıkes).

4.3. Usynylǵan beınematerıaldar «Tilalemi.kz» portalyndaǵy «Memlekettik til – táýelsizdik sımvoly» aıdaryna ornalastyrylady.

4.4. Belgilengen merzimnen keshiktirilip usynylǵan ótinimder qabyldanbaıdy.

4.5. Baıqaýǵa qatysýǵa usynylǵan qujattar qaıtarylmaıdy.

4.6. Baıqaý materıaldaryn tilalemi.kz@gmail.com elektrondy poshtasyna joldaý qajet.

Baılanys telefondary: 8 (7172) 74-05-23, 27-30-43, 8 (701) 710-89-80.