Nur-Sultan qalasynda, tuńǵysh ret Til forýmy ótti. Forýmnyń maqsaty Elbasynyń «Bolashaqqa baǵdar: rýhanı jańǵyrý» baǵdarlamasyn jáne Prezıdent Q.Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» Joldaýyn iske asyrýǵa, Premer-Mınıstrdiń 2018-jylǵy 13-naýryzdaǵy ókimimen bekitilgen «Qazaq tili álipbıin latyn grafıkasyna 2025-jylǵa deıin kezeń-kezeńimen kóshirý jónindegi is-sharalar josparynyń» 6-tarmaǵyna sáıkes qazaq tili álipbıin latyn grafıkasyna kóshirý bolsa, ujym jastary, bizde óz úlesimizdi qostyq.

Forýmnyń aıasynda Jastarǵa arnalǵan «Memlekettik til bolashaǵy – jastar bolashaǵy» pikirtalas alańy ótti. Onda belsendi jastar ózara pikir alysyp,oılaryn ortaǵa saldy. Qazirgi kezdegi ózekti másele bolyp turǵan qazaq álipbıiniń latyn grafıkasyna kóshirý jáne onyń emle erejesin nasıhattaý jumystaryn pysyqtaý. Pikir alysýda máselelerdi sheshýdiń ınovasıalyq, zamanaýı joldary usyndy.

Prezıdent Qasym-Jomart Toqaevtyń halyqqa Joldaýyndaǵy qazaq tiliniń ultaralyq qatynys tili retinde qalyptasý baǵytyndaǵy jumystardyń bir salasy qazaq álipbıin latyn grafıkasyna kóshirý úderisindegi jastardyń alatyn orny men atqaratyn rólin anyqtap, pysyqtaý, jastarǵa artylatyn mindetterdi belgileý ári nasıhattaý maqsatynda, 2019 jylǵy 28 qarasha kúni Nur-Sultan qalasynda Eýrazıa gýmanıtarlyq ınstıtýty bas ǵımaratynyń akt zalynda «Latyn grafıkasyna kóshirý úderisindegi jastardyń róli» taqyrybynda semınar-keńes uıymdastyryldy.

Bul semınarǵa qaladan júzdegen stýdent, magıstrant, doktorant belsene qatysty. Semınar-keńes aıasynda qazaq tiliniń jahandaný úderisindegi latyn grafıkasyna kóshýdegi logıkalyq maǵynasy, qazaq tiliniń damýyndaǵy onyń róli men mańyzdylyǵy qozǵaldy. Jahandaný jáne ulttaný úderisindegi qazaq tiliniń ómirsheńdigin arttyratyn reforma retindegi jańa álipbıge kóshý barysy, osyǵan qatysty atqarylǵan sharalardyń qorytyndysy, aldaǵy mindetter, jurtshylyq arasynda bul reformaǵa qatysty júzege asyrylǵan jumys nátıjeleri sóz boldy.

Zaman talabyna saı tildi meńgerý isine qatysty ortalyq birazdan beri júıeli jumystar júrgizip keledi, sonyń bir aıǵaǵy Otanymyzdaǵy 18 jáne 22 jas aralyǵyndaǵy azamattardyń arasynda tildi meńgerýge qatysty bas qosýdy Shymkent qalasynda ótkizgenimizdi de aıta keteıin. Oǵan elimizdiń 15 óńirinen kelgen talapkerler ózderiniń bilim biligin synap qortyndysynda oza shapqandarǵa baǵaly syılyqtar, sertıfıkattar tapsyryldy. Aldaǵy jyly osyndaı eldik iske qatysty jastarǵa qajet til men jańa álipbıdi úıretý, tanystyrý isi jalǵasyn tabady.

Jastardyń el damýyna óz úlesterin qosýǵa erekshe talpynysyn kóremiz.

Birjan Uzaqbaı,

Ákimshilik basqarmasynyń mamany